EBALUAZIO ETA IKERKETAREN WEBLOG BEGIRALEA HEZKUNTZAN

PISA 2009 Txosten Teknikoa

noreply@blogger.com (ISEI-IVEI) — Wed, 23 May 2012 08:05:00 +0000

PISA 2009 Txosten Teknikoak PISA 2009 ebaluazioaren azpian dagoen metodologia deskribatzen du, eta proiektua gauzatzearekin lotuta dauden ezaugarriak zehaztasunez aztertzen ditu. Horri esker, ikertzaileek hango analisiak ulertu eta errepikatu ahalko dituzte.

Informazio ugaria du probari buruz eta laginaren hautaketari buruz, datuak aztertzeko erabili diren metodologiei buruz, proiektuaren ezaugarri teknikoei buruz, eta kalitate-kontrolaren mekanismoei buruz.

http://www.oecd.org/document/19/0,3746,en_2649_35845621_48577747_1_1_1_1,00.html

Hamabost haratago ikastea. PISA, hamar urte ondoren

noreply@blogger.com (ISEI-IVEI) — Fri, 18 May 2012 11:48:00 +0000

Learning beyond Fifteen txostenak irakurketa-gaitasunaren garapena aztertzen du, nerabezarotik heldutasun goiztiarrerako trantsizioan eta Kanadan egindako ikerketa batean oinarrituta. PISAko datuak, ikasle berberak bederatzi urte ondoren egindako irakurketa-gaitasunaren ebaluazioarekin batu eta Gazteak Trantsizioan (YITS) jarraipen-inkestarekin konbinatu egin dute.

Emaitzek erakusten dutenez, malgutasunak garrantzi handia du hezkuntza sistemetan. Hezkuntzan jarraitzeko bigarren aukera bat izatean 15 urtekin emaitza txarrak izan zituzten ikasleek ere, lantokian beharko duten gaitasunak eskura ditzakete.

http://www.oecd-ilibrary.org/content/book/9789264172104-en

ELGA Forum-a 2012

noreply@blogger.com (ISEI-IVEI) — Thu, 17 May 2012 10:09:00 +0000

2012ko maiatzaren 22-23, ELGAren Jauregia, Paris

Besteak beste, honako gaia tratatuko da: Konpetentziak eta Hezkuntza (Skills and Education):

Ebidentziek erakusten dutenez, gazteen proportzio handi bat ere ez da iristen oinarrizko trebetasunen maila baxuenera, derrigorrezko hezkuntzaren amaieran. Gainera, nagusi askok ez daukate gaur egungo gizarteetan arrakasta izateko beharrezkotzat jotzen diren oinarrizko gaitasunak.

Bestalde, herrialde batzuetan, langileen heren bat bere burua gehiegizko prestakuntzaz hornituta ikusten du bere eguneroko lana burutzeko. Nola alderantzikatu joera horiek? Zer estrategiak behar dira ezagutza eta trebetasunak behar bezala enplegua eta hazkundea bihurtzeko? Nola bermatu gaitasunen nahasketa egokia irakasten eta ikasten direla bizitzan zehar? Zeintzuk dira aktore bakoitzaren rolak? Zeintzuk dira erronka nagusiak?

2012ko ELGA Forumean aurkeztuko den ELGAren Trebetasunen Estrategia berriak (Skills Strategy), horietariko hainbat galdera eta kezka jorratuko ditu. Gainera, esparru bat eskainiko du herrialdeen giza kapitala eraikitzen, mantentzen eta erabiltzen laguntzeko, horrela enplegua eta hazkundea indar dadin eta gizarteratzea susta dadin.

http://www.oecd.org/document/40/0,3746,en_21571361_46558043_50138344_1_1_1_1,00.html

PISA 2009 Profilak herrialdearen eta egoera ekonomikoaren arabera: emaitzen irudikatze interaktiboa (taulak, mapak eta askotariko grafikoak)

noreply@blogger.com (ISEI-IVEI) — Wed, 16 May 2012 08:23:00 +0000

ELGAren aplikazio honek parte hartzen duten 65 herrialdetako estatistikak eskaintzen ditu, irakurketako, matematikako eta zientzietako emaitzetan oinarrituta.Gaiak eta adierazleak hautagarri aurkezten dira, baita herrialdeak eta eskualdeak ere. Horrela, erabiltzaileak informazioa taulatan edota grafikotan ikusi eta esportatu ahal izango du, bere aukeraketaren arabera taxututa.

http://stats.oecd.org/PISA2009Profiles/#

PISA - L

noreply@blogger.com (ISEI-IVEI) — Mon, 07 May 2012 13:14:00 +0000

2012eko maiatza

PROBAKO HIZKUNTZAK NAZIOARTEKO EBALUAZIOETAKO EMAITZETAN DUEN ERAGINARI BURUZKO IKERLANA.

[ Eskuratu ]

ISEI-IVEIko BATZORDE ZIENTIFIKOKO BILERA

noreply@blogger.com (ISEI-IVEI) — Wed, 28 Mar 2012 08:00:00 +0000

Pasa den 2012ko martxoaren 23ean ISEI-IVEIko Batzorde Zientifikoa bildu zen. Parte-hartzaileak hauek izan ziren:

- Luis Lizasoain, Batzorde Zientifikoko Presidentea.
- Uri Ruiz Bikandi, EHU-UPV.
- Josu Solabarrieta, Deustuko Unibertsitatea.
- J.F. Lukas, EHU-UPV.
- Francisco Luna, ISEI-IVEIko Zuzendaria.
- Eduardo Ubieta, ISEI-IVEI, idazkari bezala.
- Bere etortzea desenkusatu zuten: Jesús Mª Goñi (EHU-UPV) y Mikel Urkijo (EHU-UPV)

Besteak beste, bilera honetan partehartzaileak gaia hauetaz aritu ziren:

1. Aurreko aktaren irakurketa eta onespena.
2. Ebaluazio diagnostikoa.
a. 2011ko aplikazioa.
b. ED eredua aldatzeko proposamenak
3. 2012ko Bullying ikerketa.
4. 2012ko PISA ebaluazioa.
5. Hurrengo bilerako data eta gaiak.

2012ko PISA SYNPOSIUMari BURUZKO PRENTSA ARTIKULUAK

noreply@blogger.com (ISEI-IVEI) — Tue, 27 Mar 2012 10:07:00 +0000

DEIA 22/03/12
176 centros vascos se presentarán a las pruebas de PISA de este año

DIARIO NOTICIAS DE ALAVA 22/03/12
La Educación vasca busca el aprobado

EL CORREO ESP. EL PUEBLO VASCO (ALAVA) 22/03/12
Celaá quiere reducir el porcentaje de escolares con bajo rendimiento

EL DIARIO VASCO (DONOSTI) 22/03/12
Cerca de 5.200 estudiantes vascos participarán en las pruebas PISA de este año

EL PAIS (ED. PAIS VASCO) 22/03/12
Hay que poner en valor a los profesores y formarles

NOTICIAS DE GUIPUZKOA 22/03/12
Estancados en inglés

QUE! (NERVION) 22/03/12
La educación se corrige

PISA SYMPOSIUM 2012. TXOSTENAK

noreply@blogger.com (ISEI-IVEI) — Tue, 27 Mar 2012 07:49:00 +0000

-PISA: Hezkuntza kalitate eta heziketa-zuzentasuna hobetzeko tresna

Pablo Zoido. Adierazle-Zatiketaren eta ELGAren analisien

aholkularia.
PISA proiektuko analista.

- Bikaintasuna hezkuntzan: heltzeko moduak nazioarteko perspektiben arabera

Gloria Macías-Lizaso. McKinsey & Ko Kidea

(“Nola, gehien hobetu duten heziketa-sistemek, hobetzen jarraitzen duten")

LINKS:

2012ko Mckinsey Txostena: Espainiako Heziketa: Itxaropenerako motiboa

“PISA Euskadin: 2012ko aplikazioaren ezaugarriak”

Francisco Luna

ISEI-IVEIko Zuzendaria

PISAri buruzko informazio gehiago:

PISAri buruz (Txostenak, datu baseak eta asko gehiago…): http://www.pisa.oecd.org

PISA In Focus: http://www.oecd.org/pisa/infocus

Errendimendu ona, erreformak arrakastarekin: http://www.pearsonfoundation.org/oecd/

Hezkuntzako Adierazleen Euskal Sistema 2012

noreply@blogger.com (ISEI-IVEI) — Thu, 15 Mar 2012 12:23:00 +0000

Azken eguneratzea: 2011

Argitalpena: 2012ko martxoa

Gehiago ikusi >

PISA SYMPOSIUM 2012

noreply@blogger.com (ISEI-IVEI) — Tue, 13 Mar 2012 09:27:00 +0000

Hezkuntza, Unibertsitate eta Ikerketa Sailak, ISEI-IVEIren bitartez, PISA SYMPOSIUM 2012 antolatzen du, 2012ko martxoaren 21an Juan Crisóstomo de Arriaga kontserbatorioan (Metro Sarriko) Bilbon. EAEko Derrigorrezko Bigarren Hezkuntzako ikastetxeetako zuzendariei, berritzeguneetako zuzendariei eta ikuskariei, Symposium honetan parte hartzera gonbidatzen zaie.

Izen-ematea web orri honen bidez soilik egin daiteke>>

Inskribatzeko epea martxoaren 19 an bukatuko da.

EBALUAZIO DIAGNOSTIKOA 2011. LABURPEN EXEKUTIBOA

noreply@blogger.com (ISEI-IVEI) — Mon, 20 Feb 2012 10:43:00 +0000

2012eko otsaila

Derrigorrezko Bigarren Hezkuntzako 2. maila. [ Eskuratu ]

Lehen Hezkuntza 4. maila. [ Eskuratu ]

PISAKO ITEM LIBERATUAK: ITEMEN ADIBIDEAK IRAKASLEEK ERABILTZEKO

noreply@blogger.com (ISEI-IVEI) — Tue, 07 Feb 2012 08:41:00 +0000

Bigarren dokumentu hau PISAk argitaratutako item guztiekin aurkezten dugu: Itemen adibideak irakasleek erabiltzeko. Bertan, lehenengo dokumentuan egoera eta item bakoitzari lotuta agertzen ziren adierazpenak eta analisiak kendu ditugu.

Helburua irakasleari jardueran laguntzea da, itemekin probaren bat prestatu nahi izanez gero, baliabide hau ikasleekin errazago erabili ahal izateko. Horretarako interesatzen zaizkion eta ikasleei aplikatu nahi dizkien egoera edo egoerak fotokopiatzea nahikoa izango da.

Baliabide hau erabiltzeak bi onura ekar ditzake; alde batetik, ezagutzea zein neurritan ikasleek zuzen erantzuten dieten proposatutako itemei, eta, bestetik, emaitza horiek nazioarte mailako emaitzekin konparatzea eta, kasu askotan, PISA probetan parte hartu duten euskal ikasleek lortutakoekin ere.

PISAKO ITEM LIBERATUAK: MARKOA ETA ITEMEN ANALISIA

noreply@blogger.com (ISEI-IVEI) — Mon, 06 Feb 2012 15:14:00 +0000

PISA proiektuak 15 urteko ikasleen errendimendua ebaluatzen du irakurmen, matematika eta zientziari dagokienez. PISA hiru urtean behin aplikatu da eta, emaitzekin batera, erabiltzen dituen probetako zati batzuk argitaratzen ditu.

Ezbairik gabe, PISA azterketaren aspektu berritzaileenetako bat da ikasleen konpetentzia-mailak neurtzeko itemen formatua eta ezaugarriak bereziak izatea. Hain zuzen ere, itemak ikasleentzat hurbilak diren egoera eta testuinguruetan oinarritzen dira. Horrela, itemetan planteatzen zaizkien arazoak konpontzeko gai izan behar dute, hezkuntza esparruan eta, beren ohiko bizimoduan ere, ikasi dutenaz eta lortu duten ezagutzaz baliatuz.

Horregatik, euskal irakasleen eskuetan jarri dugu argitalpen hau; izan ere, bertan PISAk gaur arte argitaratu dituen irakurmenari buruzko item guztiak bildu ditugu. 2005ean IS

EI-IVE

Ik beste dokumentu bat argitaratu zuen, une ordura arte liberatu ziren itemak ezagutarazteko (http://www.isei-ivei.net/eusk/argital/irakurmenekoItemak2.pdf). Baina irakasleek item horiek errazago kontsulta eta ezagut ditzaten, interesgarria iruditu zaigu item libre guztiak dokumentu honetan biltzea.

Dokumentu horretan egoerak eta itemak ez ezik, irakurmenaren markoaren laburpena eta item bakoitzari buruzko informazio zabala ere ematen da (itemaren ezaugarriak, zer neurtu nahi den eta, ahal izan denean, zein emaitza izan duen eta zein errendimendu-mailari dagokion).

PISA 2009: IRAKURMENEKO ITEM LIBERATUA

Markoa eta itemen analisia

[ Eskuratu osorik PDF for matuan] PDF 5,6 MB

Markoa eta itemen analisia

[ Eskuratu osorik DOC formatuan] DOC 6,1 MB

PISA 2009: ZIENTZIETAKO ITEM LIBERATUAK

Markoa eta itemen analisia

[ Eskuratu osorik PDF formatuan] PDF 4,3 MB

Markoa eta itemen analisia

[ Eskuratu osorik DOC formatuan] DOC 4,7 MB

2011ko Ebaluazio diagnostikoa: txostenak eskuratzea

noreply@blogger.com (ISEI-IVEI) — Thu, 24 Nov 2011 10:42:00 +0000

Joan den azaroaren 17tik, EAEko ikastetxeak 2011ko Ebaluazio Diagnostikoaren txostenen emaitzak eskuratzen hasi dira. Ebaluazioan EAEko Lehen Hezkuntzako 4. mailako eta DBHko 2 mailako ikasle guztiek parte hartu zuten, betiere diru publikoaz finantzatutako ikastetxekoek.

Pasa den ikasturtean bezala, aurten ere ikastetxeko txostenak eskuratzeko prozesua zatitu egin dugu kolapsoak ekiditeko:

Asteburuetan sarbidea irekia mantentzen dugu nahi duenak bere txostena jaitsi ahal dezan.

Ikastetxeko txostenak eskuratzeko aldia bukatzen denetik (azaroaren 29tik aurrera), aldi berria zabaltzen dugu familientzako txosten indibidualak eskuratu ahal izateko. Aldi berean, ikastetxeko txostenak eskuratzen jarrai daiteke (adibidez, lehen euskaraz deskargatu baduzu, gero gaztelaniaz).

EMAITZEN TXOSTENA INTERPRETATZEKO ARGIBIDEAK. EBALUAZIO DIAGNOSTIKOA 2011

noreply@blogger.com (ISEI-IVEI) — Tue, 15 Nov 2011 13:28:00 +0000

Eskuratu >>

DIAGNOSTIKO EBALUAZIOAREN KONPETENTZIEN MARKOAK

noreply@blogger.com (ISEI-IVEI) — Mon, 14 Nov 2011 15:04:00 +0000

1-HIZKUNTZA-KOMUNIKAZIORAKO KONPETENTZIA Eskuratu >>

2-MATEMATIKARAKO KONPETENTZIA Eskuratu >>

3-ZIENTZIA-, TEKNOLOGIA- ETA OSASUN-KULTURARAKO KONPETENTZIA Eskuratu >>

4-GIZARTERAKO ETA HERRITARTASUNERAKO KONPETENTZIA Eskuratu >>

5-HIZKUNTZA-KOMUNIKAZIORAKO KONPETENTZIA: ATZERRIKO HIZKUNTZA Eskuratu >>

Sakontzen: Diagnostiko Ebaluazioa

noreply@blogger.com (ISEI-IVEI) — Thu, 27 Oct 2011 13:43:00 +0000

2011eko urria

[Gehiago ikusi +]

ISEI-IVEIko ZUZENDARITZA-KONTSEILUAREN BILERA

noreply@blogger.com (ISEI-IVEI) — Fri, 21 Oct 2011 11:43:00 +0000

Pasa den urriaren 5ean ISEI-IVEIko Zuzendaritza-Kontseilua bildu zen. Zuzendaritza-kontseiluburu Hezkuntza Sailburuordea da eta kontseilua osatzen dute:

- María Antonia Ozcariz, Hezkuntza Sailburuordea.
- Cándido Hernández, Hezkuntza Berriztatzeko Zuzendaria.
- Marcelino Hernández, Ikastetxeen Zuzendaria.
- María José Madariaga, Lanbide Heziketako Zuzendaria.
- Alfonso Fernández, Ikuskatzaile Nagusia / Inspector general.
- María Luisa Gurrutxaga, Euskadiko Kontseiluko Burua.
- Luis Lizasoain, Batzorde Zientifikoko Presidentea
- Jon Irastuza, Euskadiko Unibertsitate Kontseilua / Consejo Vasco de Universidades
- Francisco Luna, ISEI-IVEIko Zuzendaria (idazkari lana egin du)

Bilera honetan, besteak beste, gai hauek aztertzen ziren:
- 2010-11ko ikasturteko Memoria.
- 2011-12ko ikasturterako ISEI-IVEIko lan-planaren azterketa eta eraketa.

Bi gai hauek onartuak izan ziren guztien adostasunaz.

ISEI-IVEIko ZUZENDARITZA-KONTSEILUAREN BILERA

noreply@blogger.com (ISEI-IVEI) — Fri, 14 Oct 2011 06:48:00 +0000

Pasa den irailaren 23an ISEI-IVEIko Batzorde Zientifikokoa bildu zen. Batzorde honen burua Luis Lizasoain da, Euskal Herriko Unibertsitateko irakaslea (EHU-UPV), eta Batzordea osatzen dute:

- Uri Ruiz Bikandi, EHU/UPV
- José Francisco Lukas Mujika, EHU/UPV
- Josu Solabarrieta Eizagirre, Deustuko Unibertsitatea
- Jesús María Goñi Zabala, EHU/UPV
- Mikel Urkijo Goitia, EHU/UPV
- Francisco Luna, ISEI-IVEIko Zuzendaria
- Eduardo Ubieta, ISEI-IVEI (idazkari lana egiten du)

Bilera honetan, besteak beste, gai hauek aztertzen ziren:
- 2011-12ko ikasturterako ISEI-IVEIko lan-planaren aurkezpena eta eraketa.
- Lanen banaketa Batzordeko kideen artean.
- Aurkezpen gaia: PISA-L-Probaren hizkuntzari buruzko Ikerketa.

PISA 2009 EUSKADI. 2. TXOSTENA

noreply@blogger.com (ISEI-IVEI) — Thu, 02 Jun 2011 10:01:00 +0000

Aldagaien azterketa eta ikasleen irakurketako emaitzan duten eragina

2011eko maiatza

[ Eskuratu hementxe pdfa ] PDF 2,9 MB

Pisa 2012 nazioarteko ebaluazioaren proba pilotuaren aplikazioa amaitu da

noreply@blogger.com (ISEI-IVEI) — Wed, 01 Jun 2011 08:54:00 +0000

ISEI-IVEIk, PISA 2012 nazioarteko ebaluazio proba pilotuaren euskarazko bertsioan hartu ditu parte proben itzulpenean, aplikazioaren kalitate kontrola eta gainbegiratzea. Aplikazio pilotua 2011ko Maiatzean zehar burutu da. Proba pilotu honetan matematika ítem berrien euskarazko bertsioa egokia den balidatuko da, baita ikastetxe eta ikasleen galdera-sortan agertuko diren galdera berriak ere.
Euskadik bertako lagina duela, Espainako laginaren barruan, Bigarren Hezkuntzako 15 ikastetxe eta 500 ikasleekin parte hartu du. ISEI-IVEIk eskertu nahi ditu ikastetxe horien eta ikasleriaren interesa eta lankidetza aplikazioaren gauzatze egokiarekin, horretarako nazioarteko estandarrak jarraitu izan dira.
ISEI-IVEIk proba pilotuaren euskarazko bertsioa zuzenduko du. Gaztelaniazko bertsioa Estatuak egingo du, eta Autonomia bakoitzak berariazko hizkuntzan. Nazioarteko analisia burutu ondoren 2012ko behin betiko proba eratuko da.
PISA 2012 ebaluazioa Euskadin bertako laginarekin 2012ko Apirila-Maiatzean zehar burutuko da eta nazioarteko txosten konparagarria eta Euskadikoa 2013ko Abenduan argitaratuko dira.
PISA ebakuazioan gehiago sakontu nahi izanez gero, informazio gehigarria aurki dezakezu ondoko web horietan:
• ISEI-IVEIren web-orrialdea (http://www.isei-ivei.net/eusk/pisa/pisaeuskadi.htm)

•Hezkuntza Ministerioko Ebaluazio-Institutuaren web-orrialdea (http://www.institutodeevaluacion.mec.es).

•PISAri buruz ELGAren web-orrialdea (http://www.pisa.oecd.org/pages/0,2966,en_32252351_32235918_1_1_1_1_1,00.html)

PISA 2012 proba pilotuaren aplikazioa hastera doa

noreply@blogger.com (ISEI-IVEI) — Mon, 09 May 2011 14:20:00 +0000

2011ko Maiatzean zehar PISA 2012 proba pilotuaren aplikazioa garatuko da. Proba pilotu honetan 2012an erabiliko diren baliabideak euskaraz balidatuko dira, hots, galdera-sortak, Matematika ítem berriak, aplikazioarako prozedurak eta datuen bilketa. Proban 15 ikastetxe eta 500 ikasle parte hartzen dute. Probaren balidazioa gaztelaniaz lagin estatalean egingo da.

ELGAko PISA proiektua 15 urteko ikasleei aplikatzen zaien nazioarteko ebaluazio estandarizatua da. Proiektu honetan 2000 urteko proban 32 herrik parte hartu zuten, 2003an 41, 2006an 57 eta 2009an 65. PISA proban ikasleen errendimendua ebaluatzen da honako eremu hauetan: Irakurketa, Matematika eta Zientziak.

EAE-k 2003 urteko PISA proiektuan parte hartu zuen ofizialki, datorren urtean ere PISA 2012 ebaluazioa egingo da.

PISA proiektuak, eskola curriculumaren lorpen-mailaz gain, hiru arloak Irakurketa, Matematika eta Zientziak zehaztu nahi ditu. Heldutasunerako ezinbesteko trebetasunak eta ezagupen esanguratsuak ere bai. Izan ere, PISA proiektuak zeharkako gaitasunen ebaluazioa bere gain hartzen du.

Garrantzi handia ematen zaio prozedurak menderatzeari, kontzeptuak ulertzeari eta eremu desberdinetako egoera ezberdinei erantzuteko gaitasunari ere bai.

PISA proiektuak honela definitzen du prestakuntza: 15 urteko ikasleei heldutasunera igarotzen, gizarteratzen eta partehartzen laguntzen dieten gaitasun-multzoak. Gaitasun hauek ikastetxeetan eta beraien inguruneko pertsonekiko hartu-emanen bidez ere lortzen dituzte.

Azken batean, alfabetatzea ebaluatu nahi da, gizartean aktiboki parte hartzeko beharrezkoak diren gaitasun-multzotzat ulertua. Halaber, kontuan hartzen da gaitasun horien ikasketa etengabekoa dela, bizitza osoan zehar gertatzen da eta.

2012an ebaluatuko den gaitasun nagusia Matematika izango da:

• PRESTAKUNTZA MATEMATIKOAk ezagupen, trebezia eta ulerkuntza matematikoak «egizako» testuinguruetan aplikatzeko gaitasuna kontuan hartzen du. Testuingurua egiazkotzat hartzen da parte-hartzaileen esperientzia praktikoetan eta errealetan agertzen bada. Orobat, prestakuntza matematikoaren definizioaren alderdi garrantzitsua egoera ezberdinetan matematikak egitean eta jardutean datza. Egoera horien artean bizitza pertsonala, eskola esperientzia, lana eta kirolak (edo, orokorrean, aisialdia), tokiko komunitatea eta gizartea ohiko bizimoduan aurkitzen diren moduan, eta testuinguru zientifikoak daude.

Amaitu da PIRLS-TIMSS nazioarteko azterketa (Lehen Hezkuntzako 4. maila)

noreply@blogger.com (ISEI-IVEI) — Tue, 03 May 2011 10:28:00 +0000

ISEI-IVEIk, IEAren (Hezkuntza Errendimendua Ebaluatzeko Nazioarteko Elkartearen) nazioarteko bi ebaluazioetan hartu ditu parte proben itzulpenean, aplikazioaren kalitate kontrola eta gainbegiratzea. Aplikazioa 2011ko Apirilean zehar izan da eta Euskadik, Espainiako laginaren barruan, Lehen Hezkuntzako 6 ikastetxe, 8 talde eta 200 ikasleekin parte hartu du. Bi ebaluazio horiek Irakurmenaren bilakaerari buruzko nazioarteko azterketa (PIRLS) eta Matematikako eta Zientzietako joeren nazioarteko azterketa (TIMSS) dira. Horiei esker, duela urte batzuetatik, 50 herrialde baino gehiagotan, Lehen Hezkuntzako 4. mailako ikasleen errendimendua aztertzen da oinarrizko hiru konpetentziatan: irakurmena, matematika eta zientziak. Bi azterketak hezkuntza-sistemen arteko aldeak aztertzeko eta alderatzeko diseinatuak izan dira, herrialde bakoitzeko testuinguru soziokulturaleko eta hezkuntzaren testuinguruko ikasleen errendimenduen analisitik abiatuta, eta horrela, herrialde guztietako irakaskuntzetan eta ikaskuntzetan hobetzen laguntzeko.

Ebaluazio Diagnostikoaren datekin bat egiten denez, ez da egin laginaren zabalkuntza, lorturiko datuak lagin estatalean integratuko dira eta ondorioz ez dira zabalduko Euskal Komunitate Autonomoko datu berezirik.

Nazioarteko txosten konparagarria eta Espainakoa 2011ko Abenduan argitaratuko dira.

PIRLS eta TIMSS azterketetan gehiago sakondu nahi izanez gero, Hezkuntza Ministerioko Ebaluazioko Institutuaren web orrialdera joan (http://www.institutodeevaluacion.mec.es). Bertan, TIMSS (2003) eta PIRLS (2006) probetako testuinguru teorikoak deskarga daitezke Pdf formatuan, baita 2006ko PIRLS probaren Espainiako txostena ere, Espainiak azterketan lehenengo aldiz parte hartu zuenean lortutako emaitzen konparaziozko analisiarekin.

Horrez gain, ISEI-IVEIren web orrialdean (http://www.isei-ivei.net/eusk/timss/indextimsse.htm) Euskadik bigarren hezkuntzako TIMSS probetan izandako partaidetza ikus daiteke.

Ebaluazio Diagnostikoa 2011 burutu da

noreply@blogger.com (ISEI-IVEI) — Tue, 22 Mar 2011 15:03:00 +0000

Martxoaren 22an Ebaluazio Diagnostiko 2011ko (ED11) proben aplikazioa bukatu da. Ezaguna denez, prozesu honen bidez ebaluatzen da Lehen Hezkuntzako 4. mailan eta DBHko 2. mailan dauden ikasle guztien oinarrizko konpetentzietan lortu duten garapen maila. Ebaluazioan parte hartu duten datuak ondoko taulan adierazten dira:

ED11n Hizkuntza komunikaziorako konpetentzia euskaraz, gaztelaniaz eta, lehenengo urtean, ingelesez eta baita Matematikarako konpetentzia ere. Bestaldetik, lehendabizi ikasturte honetan parte hartu duten ikasle gehienek galdera-sortari web-en bidez erantzun diote (epea datorren apirilaren 15ean amaituko da). Horrela egitea posible izan da bakarrik ikastetxeen laguntzari esker.

Datozen asteetan ISEI-IVEIk probak zuzentzeari, datuak garbitzeari eta, geroago, datuak analizatzeari ekingo die. Izan ere, datorren ikasturtearen lehengo hiruhilabetean zehar txostenak prestatuko dira eta, ondoren, ikastetxeek berezko txostenak jasoko dituzte. Txosten horietan beren talde eta ikasle guztien emaitzen berri izango dute. Helburu nagusia ikastetxeetan txostenak aztertzea da eta, beren Hobekuntza Planen esparruan, uste duten neurriak hartzeko informazio baliotsua izatea.

PISA 2009 EUSKADI. EBALUAZIOAREN TXOSTENA

noreply@blogger.com (ISEI-IVEI) — Mon, 21 Mar 2011 09:35:00 +0000

2011eko martxoa

[ Eskuratu hementxe pdfa ] PDF 2,4 MB

EBALUAZIO ETA IKERKETAREN WEBLOG BEGIRALEA HEZKUNTZAN

PISA 2009 Txosten Teknikoa

Hamabost haratago ikastea. PISA, hamar urte ondoren

ELGA Forum-a 2012

PISA 2009 Profilak herrialdearen eta egoera ekonomikoaren arabera: emaitzen irudikatze interaktiboa (taulak, mapak eta askotariko grafikoak)

PISA - L

ISEI-IVEIko BATZORDE ZIENTIFIKOKO BILERA

2012ko PISA SYNPOSIUMari BURUZKO PRENTSA ARTIKULUAK

PISA SYMPOSIUM 2012. TXOSTENAK

Hezkuntzako Adierazleen Euskal Sistema 2012

PISA SYMPOSIUM 2012

EBALUAZIO DIAGNOSTIKOA 2011. LABURPEN EXEKUTIBOA

PISAKO ITEM LIBERATUAK: ITEMEN ADIBIDEAK IRAKASLEEK ERABILTZEKO

PISA 2009: IRAKURMENEKO ITEM LIBERATUAK

PISA 2009: ZIENTZIETAKO ITEM LIBERATUAK

PISA 2009: MATEMATIKAKO ITEM LIBERATUAK

PISAKO ITEM LIBERATUAK: MARKOA ETA ITEMEN ANALISIA

2011ko Ebaluazio diagnostikoa: txostenak eskuratzea

EMAITZEN TXOSTENA INTERPRETATZEKO ARGIBIDEAK. EBALUAZIO DIAGNOSTIKOA 2011

DIAGNOSTIKO EBALUAZIOAREN KONPETENTZIEN MARKOAK

Sakontzen: Diagnostiko Ebaluazioa

ISEI-IVEIko ZUZENDARITZA-KONTSEILUAREN BILERA

ISEI-IVEIko ZUZENDARITZA-KONTSEILUAREN BILERA

PISA 2009 EUSKADI. 2. TXOSTENA

Pisa 2012 nazioarteko ebaluazioaren proba pilotuaren aplikazioa amaitu da

PISA 2012 proba pilotuaren aplikazioa hastera doa

Amaitu da PIRLS-TIMSS nazioarteko azterketa (Lehen Hezkuntzako 4. maila)

Ebaluazio Diagnostikoa 2011 burutu da

PISA 2009 EUSKADI. EBALUAZIOAREN TXOSTENA